ԵԼՈՒՅԹՆԵՐ ԵՎ ՔՆՆԱՐԿՈՒՄՆԵՐ

Մասշտաբավորման սկիզբը․ Հրեշտակները և վաղ փուլի աճը

Սիդնեյ Մինասյան | Ձեր աննախադեպ աճը․ ի՞նչ պիտի դառնաս, որպեսզի կարողանաս մասշտաբավորում առաջանորդել

Սիդնեյ Մինասյանը ձեռներեց է և աճի խորհրդատու: Ունի Տեխնոլոգիական բիզնեսի գործարկման և ընդլայնման ավելի քան 25 տարվա փորձ Ավստրալիայում, Ասիայում և ԱՄՆ-ում: ImpactLadder-ի ընկերության հիմնադիրն է։ Նախկինում պաշտոնավարել է որպես գործադիր տնօրեն տեխնոլոգիական և խորհրդատվական խոշոր ընկերություններում։ ԴիջիԹեք 2025-ի նրա ելույթն այն մասին է, թե ինչպես մասշտաբավորել ինքներս մեզ՝ բիզնեսի մասշտաբավորման մասին մտածելուց առաջ։ Հաջողության բացառիկ պատմություն իսկապես տպավորիչ խոսնակից։

Արմենակ Բդոյան | Ստարտափ մասշտաբավորելու Amazon-ի 5 սկզբունքները

List.am-ում պրոդուկտի ղեկավար դառնալուց առաջ Արմենակ Բդոյանը երկար տարիներ աշխատել էր Amazon-ում։ Ընկերությունը մասշտաբավորման հինգ կարևոր սկզբունք է դավանում, որոնք կիրառելի են նաև այլ ընկերությունների համար։ Արմենակ Բնոյանի բանախոսությունը Amazon-ի այդ սկզբունքները հայկական միջավայրում գործադրելու առանձնահատկությունների մասին է։

Սուրեն Մարկոսյան | Ի՞նչպես դառնալ միլիարդատեր

Սուրեն Մարկոսյանը List.am-ի, Epic!-ի և CrowdStar-ի հիմնադիրն է` հայկական էկոհամակարգի, թերևս, ամենահաջողակ տեխնոլոգիական ձեռներեցներից մեկը։ Նրա հիմնած ընկերությունները, մտահղացրած պորուկներն ու ծառայությունները ազդում են բառացիորոն հարյուր միլիոնավոր մարդկանց կյանքի վրա։ ԴիջիԹեք 2025-ի կոնֆերանսի նրա ելույթը աշխարհի մասշտաբով հաջողության հասնելու ճանապարհի մասին է։

Ֆինանսավորումից այն կողմ․ «M&A»-ն որպես աճի ռազմավարություն

Ո՞վ է ֆինանսավորում մասշտաբը։ Կառուցելով ամուր VC ենթակառուցվածք

ԴիջիԹեքի ընթացքում «Ով է ֆինանսավորում մասշտաբավորումը» թեմայով պանելային քննարկմանը ներդրումային ոլորտի առաջնորդները խոսեցին Հայաստանի վենչուրային միջավայրի մարտահրավերների և հնարավորությունների մասին։ Քննարկումը վարեց Դիմա Ստեպանովը (Yango Ventures, AAL VC): Բանախոսներն էին Մանուկ Հերգնյանը (Granatus Ventures), Կարեն Վարդանյանը (Formula VC), Դանիել Քիս-Կիրալին (PortfoLion Capital Partners) և Սուրեն Փախչանյանը (Inecobank)։ Ներկայացվեցին Հայաստանի ֆինանսական ենթակառուցվածքի զարգացման և միջազգային կապիտալի ներգրավման հիմնական ուղղությունները։

ԱԲ Մեծ Ռազմավարություն․ $500 միլիոն ներդրում՝ հանուն Հայաստանի ապագայի

«Արհեստական բանականության մեծ ռազմավարություն․ 500 մլն դոլար ներդրում դեպի Հայաստանի ապագա» թեմայով քննարկումը, միավորեց այն առաջատարներին, ովքեր ձևավորում են Հայաստանի տեխնոլոգիական ճանապարհային քարտեզը։ Քննարկման բանախոսներն էին՝ Ռև Լեբարեդյանը՝ NVIDIA ընկերության փոխնախագահ (Omniverse և Simulation Technology ուղղություններով), և Ալեքսանդր Եսայանը՝ Team ընկերությունների խմբի, Team Telecom Armenia-ի, Intent.ai-ի և firebird.ai-ի համահիմնադիր, գլխավոր գործադիր տնօրեն և նախագահ։ Մոդերատոր՝ Ալ Էիսայանը, IntelinAir ընկերության համահիմնադիր, խորհրդի անդամ։ Քննարկման առանցքում․ ինչպե՞ս դիրքավորել Հայաստանը որպես արհեստական բանականության համաշխարհային կենտրոն․ ռազմավարական ներդրումներ, գիտահետազոտական նախաձեռնություններ, պետական-մասնավոր համագործակցություն։ Զրույցի առիթներից firebird.ai ներգրաված 500 միլիոն դոլար ներդրումն էր, որ ծառայելու է Հայաստանում արհեստական բանականության ենթակառուցվածք հիմնելուն։

Հաճախորդակենտրոն ապագա. գործակցության մեկնարկ Salesforce-ի և Inecobank-ի միջև

ԴիջիԹեքյան քննարկում Inecobank-ի գլխավոր գործադիր տնօրեն Հայկ Ոսկանյանի, Salesforce-ի տարածաշրջանային փոխնախագահ Հրվոյե Սուպիչի և կառավարման մենթոր Հասմիկ Դանիելի մասնակցությամբ։ Զրույցը` ֆինանսական համակարգի, նորարարության, առաջնորդության և Հայաստանի թվային տնտեսության ապագայի շուրջ։

Էթիեն Դելակրուա | Արվեստից դեպի կոդի երևութաբանություն

Էթիեն Դելակրուան մասնագիտությանբ ֆիզիկոս է, սակայն նրա հիմնական զբաղմունքը կերպարվեստն է։ Նա մի ողջ կյանք նվիրել է արվեստի և տեխնոլոգիաների միջև անջրպետը հաղթահարելուն։ Շուրջ տասը տարի Ուրուգվայի UDELAR ճարտարագիտական դպրոցում ղեկավարել է «Արվեստի և ծրագրավորման» փորձարարական ստուդիան։ Դասավանդել է աֆրիկյան երկրներում, Ֆրանսիայում, Բրազիլիայում, Ճապոնիայում և արդեն նաև Հայաստանում: Պարոն Դելակրուայի հետաքրքրությունների առանցքում կթությունն առավել մոբիլ և մատչելի դարձնելու խնդիրն է։ ԴիջիԹեք 2025-ին նա հանդես եկավ «Արվեստից դեպի կոդի երևութաբանություն» խորագրով բանախոսությամբ։

Վահագն Պողոսյան | Կրթության փիլիսոփայությունը. «post-chatGPT»

Տասնամյակներ շարունակ Վահագն Պողոսյանը զբաղվում է ֆորմալ և ոչ ֆորմալ կրթության խնդիրներով՝ ճարտարագիտության, տեղեկատվական և ինքնաշխատ համակարգերի ոլորտներում։ Ներկայում Վահագն Պողոսյանը կենտրոնացած է հումանիտար, տնտեսագիտական, բնագիտական և ճարտարագիտական ուղղությունները մեկ միասնակ ուսումնական ծրագրի վերածելու վրա։ ԴիջիԹեք 2025-ի նրա ելույթը նվիրված էր արհեստական բանականության ազդեցությանը կրթության փիլիսոփայության վրա։

Կիսահաղորդիչներ x Արհեստական ​​բանականություն. Հայաստանը՝ խելացի սարքավորումների դարաշրջանում

Ռև Լեբարեդիան | Հայաստան. «AI Nation» դառնալու ճանապարհին

ԴիջիԹեք 2025-ի ընթացքում NVIDIA-ի փոխնախագահ, Omniverse-ի և Simulation Technology ղեկավար Ռև Լեբարեդյանը հանդես եկավ առանցքային ելույթով՝ «Հայաստան. «AI Nation» դառնալու ճանապարհին» թեմայով։ Իր խոսքում նա ներկայացրեց, թե ինչպես կարող է Հայաստանը, օգտագործելով իր տաղանդը, նորարարական ներուժը և միջազգային կապերը, դառնալ արհեստական բանականության ոլորտի առաջատար՝ ձևավորելով նոր տեխնոլոգիական դարաշրջան։