Ընդհանուր պայմաններ և դրույթներ

Բարի գալուստ «Դիջիթեք 2025» (այսուհետ` Digitec) «Առաջատար տեխնոլոգիաների ձեռնարկությունների միություն» ՀԿ-ի (այսուհետ` ԱՏՁՄ) կողմից կազմակերվող առաջատար տեխնոլոգիական միջոցառմանը։ Մուտք գործելով և օգտագործելով www.digitec.am կայքը՝ Դուք համաձայնվում եք առաջնորդվել ստորև նշված Ընդհանուր պայմաններով և դրույթներով, որոնք կանոնակարգում են կայքից Ձեր օգտվելու կարգը։ Պայմաններից որևէ մեկի հետ անհամաձայնության դեպքում, խորհուրդ է տրվում անմիջապես դադարեցնել կայքի օգտագործումը։

1. Պայմանների Ընդունում

Մուտք գործելով կայք՝ Դուք հաստատում եք, որ ամբողջությամբ կարդացել, հասկացել և ընդունել եք սույն պայմաններն ու դրույթները։ DigiTec-ի կայքի շարունակական օգտագործումը համարվում է ստորև ներկայացված պայմանների  ընդունում։ Պայմաններում կատարվող ցանկացած փոփոխություն ուժի մեջ է մտնում դրանց հրապարակման պահից։ Ձեր պատասխանատվությունն է պարբերաբար դիտարկել պայմանները՝ թարմացումների մասին տեղեկանալու համար։

2. Հիմնական հասկացություններ

Սույն Ընդհանուր պայմանների և դրույթների շրջանակում կիրառվում են հետևյալ հասկացությունները․

• «Հաճախորդ», «Դուք», «Ձեր» բառերը վերաբերվում են կայք մուտք գործող և սույն պայմաններին համաձայնող անձին։

• «Ընկերություն», «Մենք», «Մեզ», «Մերը» բառերը վերաբերվում են  ԱՏՁՄ-ին։

• «Կողմ», «Կողմեր» բառերը վերաբերվում են ինչպես Հաճախորդին, այնպես էլ Ընկերությանը։

Բոլոր հասկացությունները վերաբերում են առաջարկին, ընդունմանը և այն գործողություններին, որոնք անհրաժեշտ են առավել արդյունավետ ձևով և ՀՀ օրենսդրությանը համապատասխան՝ Հաճախորդին ծառայություններ մատուցելու համար։

3. Քուքիների քաղաքականություն (Cookies)

Մեր կայքում կիրառվում են քուքիներ՝ օգտատիրոջ փորձառությունը բարելավելու համար։ Մուտք գործելով DigiTec-ի կայք Դուք համաձայնում եք քուքիների օգտագործմանը՝ Գաղտնիության քաղաքականությանը համապատասխան։ Քուքիները փոքր տեքստային ֆայլեր են, որոնք պահպանվում են Ձեր սարքում՝ կայքի որոշակի ֆունկցիաների ապահովման համար։ Դուք կարող եք վերահսկել կամ ջնջել վերջիններս Ձեր դիտարկչի կարգավորումներով, սակայն դրանց անջատումը կարող է սահմանափակել կայքի որոշ ֆունկցիաների օգտագործումը։

4. Օգտատիրոջ գրանցում և տվյալներ

Որոշ ֆունկցիաներ և ծառայություններ, մասնավորապես DigiTec միջոցառման գրանցումը, հասանելի են միայն անձնական տվյալներ տրամադրելու միջոցով։ Հավաքագրվող տվյալների տեսակները, մշակման նպատակները և Ձեր իրավունքները մանրամասն ներկայացված են Գաղտնիության քաղաքականության բաժնում։ Գրանցումն ավարտելով՝ Դուք հաստատում եք, որ տրամադրված տեղեկատվությունը ճշգրիտ է և տալիս եք համաձայնություն տվյալների հավաքագրման, օգտագործման և տարածման համար ինչպես նշված է Գաղտնիության քաղաքականության մեջ։

Դուք պատասխանատու եք Ձեր հաշվի մուտքի տվյալների գաղտնիությունը պահպանելու և Ձեր հաշվով իրականացվող բոլոր գործողությունների համար։

5. Բջջային Հավելված

DigiTec-ը կարող է տրամադրել բջջային հավելված («Հավելված»)՝ միջոցառման փորձառությունը բարելավելու համար։ Հավելվածի օգտագործումը նախատեսում է սույն Ընդհանուր պայմանների և դրույթների կիրառում։

• Հավելվածի Ֆունկցիոնալություն․ Այն կարող է ապահովել անհատականացված ժամանակացույցեր, կապերի ստեղծման գործիքներ, հիշեցումներ և միջոցառման բովանդակության հասանելիություն։ Մենք չենք երաշխավորում հավելվածի անխափան կամ անսխալ աշխատանքը։ Ֆունկցիաները կախված են Ձեր սարքի հետ համատեղելիությունից և ինտերնետ կապից։

• Ձեր Պարտականությունները․ Դուք պատասխանատու եք (i) համոզվելու, որ Ձեր սարքը համատեղելի է հավելվածի հետ և ունի համապատասխան օպերացիոն համակարգ, (ii) տեղադրելու հավելվածի բոլոր թարմացումները, որոնք մենք տրամադրում ենք՝ ֆունկցիոնալությունն ու անվտանգությունը ապահովելու համար, (iii) պահպանելու Ձեր մուտքի տվյալների գաղտնիությունը։

• Պատասխանատվության բացառում․ Օրենսդրորեն թույլատրելի սահմաններում մենք պատասխանատվություն չենք կրում վնասների, կորուստների կամ միջոցառման որոշակի բովանդակությանը մուտք գործելու անհնարինության համար, եթե դա պայմանավորված է Ձեր պարտականությունները չկատարելով (օրինակ՝ հավելվածը չտեղադրելը, չթարմացնելը, անհամատեղելի սարքի օգտագործումը կամ սխալ մուտքի տվյալներ)։

6. Մտավոր սեփականության իրավունքներ

DigiTec կայքում տեղադրված մտավոր սեփականության բոլոր իրավունքները պատկանում են ԱՏՁՄ-ին և նրա լիցենզատուներին, եթե առկա չէ այլ սահմանում։ Բոլոր իրավունքները պաշտպանված են։ Կայքը կարող եք օգտագործել միայն անձնական, ոչ առևտրային նպատակներով՝ սույն Ընդհանուր պայմաններին և դրույթներին համապատասխան հետևյալ սահմանափակումներով․

Չի թույլատրվում՝

• Վերահրապարակել DigiTec-ի բովանդակությունը առանց թույլտվության։

• Բովանդակությունը ենթարկել վաճառքի, վարձակալության կամ ենթալիցենզավորման։

• Կրկնօրինակել կամ պատճենել կայքի որևէ նյութ՝ առանց հստակ թույլտվության։

• Վերաբաշխել բովանդակությունը՝ առանց համապատասխան հղման։

Բովանդակության անօրինական յուրաքանչյուր օգտագործում կարող է հանգեցնել իրավական գործողություններին, և մենք իրավունք ենք վերապահում սույն մտավոր սեփականության իրավունքի ցանկացած խախտման դեպքում պահանջելու վնասների հատուցում։

7. Օգտատիրոջ ստեղծած բովանդակություն և մեկնաբանություններ

Կայքի որոշ բաժիններ կարող են օգտատերերին հնարավորություն տալ տեղադրել կամ փոխանակել կարծիքներ և տեղեկատվություն։ ԱՏՁՄ-ն նախապես չի ստուգում կամ խմբագրում մեկնաբանությունները։ Դրանք արտացոլում են բացառապես հրապարակողի կարծիքը։ ԱՏՁՄ-ն պատասխանատվություն չի կրում որևէ անճշտության, հնարավոր զրպարտության կամ վնասների համար, որոնք կարող են առաջանալ օգտատիրոջ կողմից ստեղծված բովանդակությունից։

Մեկնաբանություն թողնելով՝ Դուք համաձայնվում եք՝

• Որ ունեք իրավունք և թույլտվություն հրապարակելու բովանդակությունը։

• Որ Ձեր մեկնաբանությունները չեն խախտում երրորդ կողմի հեղինակային, մտավոր սեփականության կամ արտոնագրային իրավունքները։

• Որ բովանդակությունը չի պարունակում զրպարտող, վարկաբեկող, անպատշաճ, կամ այլ կերպ անօրինական համարվող նյութ։

• Որ Ձեր մեկնաբանությունները չեն խթանում անօրինական գործունեություն կամ առևտրային առաջարկներ։

Դուք տրամադրում եք ԱՏՁՄ-ին մշտական, ոչ բացառիկ լիցենզիա՝ օգտագործելու, վերարտադրելու, փոփոխելու և տարածելու կայքում ներկայացված մեկնաբանությունները։

8. Մեր բովանդակության հղումները

Մեր կայքին առանց գրավոր նախնական հաստատման, հղումներ կարող են կատարել հետևյալ կազմակերպությունները՝

• Պետական մարմիններ

• Որոնողական համակարգեր

• Լրատվական գործակալություններ

• Առցանց տեղեկատու ծառայություններ

• Վավերացված ձեռնարկություններ

Այլ կազմակերպությունները կարող են դիմել հղում կատարելու թույլտվության համար՝ կապ հաստատելով ԱՏՁՄ-ի հետ։ Մենք պահպանում ենք լիակատար հայեցողություն հղման պահանջները հաստատելու կամ մերժելու հարցում՝ կախված հղում կատարողի համապատասխանությունից և նպատակահարմարությունից։ Հաստատման դեպքում հղում կատարող կայքը պետք է բավարարի հետևյալ պայմանները․

• հղումը չպետք է լինի մոլորեցնող կամ խաբուսիկ,

• Հղումը չպետք է ենթադրություն առաջացնի հղում կատարող կողմի հովանավորման, աջակցության կամ հաստատման։

• Հղումը պետք է տեղադրվի այնպիսի համատեքստում, որը նպատակահարմար է և համապատասխան հղում կատարող կայքի բովանդակությանը։

9. Բովանդակության վերաբերյալ Պատասխանատվություն

Մենք պատասխանատվություն չենք կրում այն բովանդակության համար, որը տեղադրված է այլ կայքերում, որոնք հղում են կատարում մեր կայքին կամ հակառակը։ Եթե Դուք տեղադրում եք հղում մեր կայքին, ապա պարտավորվում եք պաշտպանել մեզ բոլոր այն իրավական պահանջներից, որոնք կարող են ծագել այդ հղումից։    

10. Շրջանակներ

Առանց նախնական գրավոր համաձայնության, Դուք չպետք է ստեղծեք շրջանակներ (frames) մեր կայքի շուրջ կամ կիրառեք այլ տեխնոլոգիաներ, որոնք փոփոխում են մեր կայքի արտաքին տեսքը:

11. Գաղտնիության Քաղաքականություն 

Տվյալների հավաքագրման և գաղտնիության վերաբերյալ տեղեկատվության համար խնդրում ենք ծանոթանալ մեր Գաղտնիության քաղաքականության հետ։

12. Իրավունքների պահպանում

Մենք իրավասու ենք պահանջել ցանկացած հղման հեռացում մեր կայքից։ Նման պահանջի դեպքում Դուք պարտավոր եք անհապաղ կատարել այն։ Մենք նաև իրավասու ենք փոփոխել սույն Ընդհանուր պայմանները և դրույթները և փոխկապակցված քաղաքականությունները՝ ցանկացած պահի։ Շարունակելով օգտվել մեր կայքից՝ դուք համաձայնվում եք ենթարկվել սույն Ընդհանուր պայմանների և դրույթների գործող տարբերակին։

13. Պատասխանատվության բացառում

Օրենսդրորեն թույլատրելի սահմաններում մենք բացառում ենք կայքի և դրա օգտագործման հետ կապված բոլոր երաշխիքները։ Ոչինչ սույն պատասխանատվության բացառման մեջ չի սահմանափակում այն պատասխանատվությունը, որը նախատեսվում է գործող օրենսդրությամբ։

Մենք չենք երաշխավորում, որ կայքում ներկայացված տեղեկատվությունը ճշգրիտ, ամբողջական կամ թարմ է։ Մենք պատասխանատվություն չենք կրում կայքի հասանելիության կամ անխափան աշխատանքի համար, ինչպես նաև դրա օգտագործումից բխող կորուստների կամ վնասների համար։

14. Կիրառվող օրենսդրություն

Սույն Ընդհանուր պայմանները և դրույթները կարգավորվում և մեկնաբանվում են Հայաստանի Հանրապետության օրենսդրությամբ։ Կայքի օգտագործումից առաջացած ցանկացած վեճ ենթակա է  լուծման դատական կարգով Հայաստանի Հանրապետության դատարաններում։

15. Փոփոխություններ Ընդհանուր պայմաններում և դրույթներում

Մենք իրավասու ենք փոփոխել կամ թարմացնել սույն Ընդհանուր պայմանները և դրույթները ցանկացած պահի՝ առանց նախնական ծանուցման։ Ձեր պատասխանատվությունն է պարբերաբար վերանայել պայմանները։ Կայքի շարունակական օգտագործումը համարվում է թարմացված պայմանների ընդունում։